SANTA AGEDA

Aurten ere, Santa Ageda bezperan, kantari aritu gara Tantirumairu ikastolako ikasle eta irakasleak.

Agate bezpera. Santa Ageda bezpera da gaur, otsailaren 4a, eta azken urteetako ohiturari eutsiz, kantari atera gara.

Hemen duzue 6. mailako ikasleek asmatutako eta gaur kantatutako kopla:
Arropa hau jantzita bihurtu
garela baserritarrak
gaur goizez klasea galdu dugu
gu bai ikasle azkarrak
Udaberria ernatuko du
gure makilen indarrak
eskerrik asko aditzeagatik
ongi pasa lesakarrak.

IKABIL

IKABIL

Bi ikastetxeren arteko lotura proposatzen duen ikabil egitasmoan parte hartuko dugu 5.eta 6. mailako ikasleak Basauriko Arizko ikastolako ikasle eta irakasleekin batera. Aurtengoan apirilaren 4tik 8ra burutuko dugu trukaketa.

Egitasmo honetan, 1998-99 ikasturtean hasi zenetik, hainbat eta hainbat ikasle eta familiek parte hartu dute.

Autrengo egitarauan, tirolina eta body board Gorlizeko hondartzan, Bilboko alde zaharra, Amaiurrko errota eta gaztelua eta Markelen baserria bisitatu ditugu bertze zenbait ekimenen artean.

Hagitz ongi pasatuko dugula eta lagun berriak egingo ditugula seguru gaude.

Bueltarakoan gure berri izanen duzue. Momentuz, orain dela bi urteko argazki batekin uzten zaituztegu.

Ongi izan!!

TXILIKU

TANTIRUDENDA

Tantirudenda egin genuen berriro ere urtero bezala 5. eta 6. mailakoek "Eskol Ttikin". 

Aurten, Saharan uholdeak jasan dituzten biztanleei emango diegu, "Saharaztan" elkartearen bitartez, guk lortutako dirua (383,81€) .

Bertan pastelak, erroskilak, magdalenak, jostailuak, ipuinak... saldu genituen.

Argazkia: Aitor Arotzena (Ttipi-ttapa)

Mila esker!

FINAL CEREMONY

Lehen Hezkuntzako 5. eta 6. mailako ikasleek euren akelarrea ospatu dute. Ikasleak, taldeka banatuta, edabe magikoak, erremedioak, sorginkeriak... prestatu dituzte. Lan bikaina egin dute. Dagoeneko sorgin eta azti boteretsuak bihurtu dira. Hona hemen euren mezua eta "Black cats" taldearen bideoa. Abracadabra...

Poliki-poliki talde guztien bideoak blog honetan publikatzen joanen gara. Adi egon!!!

Hi everybody! We have ran a course in wizardry. We have learnt how to cast spells and make magic potions. We are real witches and wizards! 

NAFARROA OINEZ 2015: KANTA

NAFARROA OINEZ 2015: PLANOA ETA EGITARAUA

http://www.nafarroaoinez.net/urriak-18/